Canal de comunicación coas diversas institucións públicas e privadas para a defensa dos intereses dos seus socios.

Presenza en reunións, grupos de traballos e comisións (rexionais, nacionais e internacionais) de carácter agroforestal de relevancia para seus socios.

Asistencia xurídico-administrativa no uso, aproveitamento e xestión do monte (madeirable e non-madeirable).

Asistencia técnico-administrativa na tramitación de axudas oficiais para diversas actuacións: forestación de terras agrarias, mellora da silvicultura, dotación loxística, ordenación de montes arborados e plans técnicos, entre outros.

Asesoramento para a formación de unidades de xestión viable en montes particulares, mediante a súa agrupación voluntaria de fincas forestais privadas ou calquera outra posibilidade que recollida na lexislación vixente, como cooperativas, Sociedades Agrarias de Transformación (SAT) e Sociedades Limitadas (SL), entre outras.

Asistencia e asesoramento en materia de contabilidade, inventario de bens e formalización de obrigacións tributarias, especialmente en MVMC, pero tamén á pequena propiedade privada individual de uso forestal.

Traballos preparatorios para a clasificación, formación de xuntas reitoras, deslinde e catalogación de terreos de MVMC.

Bases de datos de interese forestal: listados de empresas de mellora e corta forestal, empresas de produtos forestais non-madeirables, intermediarios na corta de madeira (fragueiros e rematantes) e industrias forestais.

Dispoñibilidade de cartografía catastral.

Formación mediante cursos, charlas, seminarios, congresos e demostracións prácticas sobre inversión, xestión e continuidade, mellora e reinversión forestal.